DÍA DE DIFUNTOS, NUECHE D´'ANIMES,...

Según Alberto Álvarez Peña, etnógrafu, la pallabra Samhain o Samaín ye gaélica y tan axena a nos como el Halloween, aunque n'orixe ye la mesma. N'Asturies siempre foi la NUECHE D'ÁNIMES 👻. Significa "fin del branu", porque nel calendariu celta esta ye la fin del añu, cuando la nueche come al día, como tamos viendo. La naturaleza paez que muerre 💀y fáise una serie d'ufriendes a los muertos💀, que son protectores del clan y del territoriu, pa que vuelva otra vegada a renacer. Ye una festividá pagana cristianizada. Hai coses mui significatives n'Asturies: en munchos pueblos "payares" llámase "el mes muertu", ta'l famosu refrán "per tolos santos, nieve pelos campos". La idea ye sosticial: hai que se recoyer porque hai más horas d'escuridá. Fáense ofrendes a los difuntos porque son los que viven na escuridá. Los magüestos, por exemplo. Llevantábase un tapín del suelu y echábense dientro les castañes🌰 pa ufriles a los muertos. El Halloween asina ye un viaxe de vuelta: lleváronlu los migrantes anglosaxones y vuelve agora pa Europa mui masticao poles multinacionales.

Con to esto, la nueche del 31 hai que se meter en casa, vaciar les calabaces🎃, tomar el magüestu, dexar unes castañes 🌰debaxo un tapín y nun andar pelos cruces de caminos, que vamos topar les ánimes👻.