CÓMO ME HICE FEMINISTA. UNA GENEALOGÍA PROPIA, POR ELVIRA LARUELO DE LA ROZ
BELARMINA
DE LA ROZ PRIETO
Gustába-y muncho
lleer, estudiar… pero mandáronla poco a escuela porque en cuanto facía buen
tiempu había que llendar les vaques, llavar nel ríu, curiar a los hermanos
pequeños y mil llabores más. A los
catorce años entró a sirvir nuna casa, a trabayar como una muyer y ganar cuatro
perres como una aprendiz. Lleía lo que podía a
escondíes del ama, conoció al que más adelante fue’l so maríu…
Los sos hermanos varones sí tuvieren oportunidá d’ estudiar.
Cuando a los
veintitrés años tuvo la primera fiya ya sabía que apenes diba
poder da-y lo xusto: mui pocos xuguetes y llibros, ropa de segunda y
tercera mano… Pero una cosa tenía clara,
cariñu y una madre presente siempre pa ella nun-y diben faltar. Crióla rica en
abrazos y animóla siempre a qu’estudiare y lluchare por una vida independiente
y llibre na que pudiere decidir por ella mesma en tou momento.
Agora tien setenta y tres
años. Nun soi quien a imaxinar una madre
meyor.
Nun soi quien a
escribite un poema,
ma.
Llevo tiempu
intentándolo
y nun lo consigo,
con toles bobaes pa
les que tengo
unos versos ad hoc…
Nun soi quien a
escribite un poema,
ma.
Siéntome mal por ello,
pero nun sé dicite de
forma
orixinal, hiperbólica,
superlativa y llírica:
Gracies.
Quiérote.
Siento pavor a esconsonar un día
y que nun teas.