DÍA DE LES LLETRES ASTURIANES 2020

Nesta selmana de les lletres queremos alcordamos de tola xente qu'ama esta la nuestra tierra y trabaya pa qu'ella se sienta arguyosa de nós. Una tierra que nun sedría lo mesmo ensin el respetu a la so llingua y too pa que los nietos d'Asturies nun escaezan la llingua de los sos güelos.

Sí ye verdá que ye fácil sentise arguyosu de la tierra que mos vio nacer, pero nun ye tan fácil qu'ella se sienta arguyosa de nós; tan arguyosa como nós tamos d'esa xente que ta dando lo meyor de so cuidándomos como nunca pensemos que tendríen que facelo; a los nuestros fíos y mayores, como si fuéremos parte de la so familia. Dende esa parte tan complicada d'esti momentu que mos tocó vivir fálamos Xosé Ambás, que mos recuerda "qu'ayudar a la xente que nun tien a los de casa acompañándolos ye una de les xeres más gratificantes que ficiere y que la llingua, la nuestra llingua, equí ta pa contalo".

Y la llingua claro que ta pa contalo, y si ye pa contalo con palabres guapes, meyor. Palabres guapes como les que mos regala la nuestra compañera Elvira, que tamién mos recuerda que depués de too esto, volverá otra primavera, otres flores y otros versos...